ಮೌನಾಗ್ನಿ

ಮಲ್ಲಿಗೆಯು ಸುವಾಸನೆ ಬೀರಲಿಲ್ಲ

ನಿನ್ನ ನೀಳ ಕೇಶ ರಾಶಿಯಂತೆ

ನಕ್ಷತ್ರಗಳು ಹೊಳೆಯಲಿಲ್ಲ

ನಿನ್ನ ಕಮಲದ ಕಂಗಳಂತೆ

ಮೊಗ್ಗುಗಳು ಅರಳಲಿಲ್ಲ

ನಿನ್ನ ಹವಳದ ತುಟಿಗಳಂತೆ

ಅಮೃತಶಿಲೆಯು ನುಣುಪಾಗಿ ತೋರಲಿಲ್ಲ

ನಿನ್ನ ಸುಕೋಮಲ ಕೆನ್ನೆಯಂತೆ

ನವಿಲುಗಳು ನಾಟ್ಯ ಮಾಡಲಿಲ್ಲ

ನಿನ್ನ ವೈಯಾರದ ನಡಿಗೆಯಂತೆ

ಹಕ್ಕಿಯ ಕಲರವ ಇಂಪಾಗಿ ಕೇಳಲಿಲ್ಲ

ನಿನ್ನ ಕಾಲ್ಗೆಜ್ಜೆಯ ಸದ್ದಿನಂತೆ

ಹರಿವ ನೀರು ಜುಳು ಜುಳು ನಾದ ಹೊರಡಿಸಲಿಲ್ಲ

ನೀನು ಗುನುಗುನಿಸುವ ಮಧುರ ಮಾತಿನಂತೆ

ಜೇನು ಕೂಡ ಸಿಹಿ ನೀಡಲಿಲ್ಲ

ನಿನ್ನ ಅಧರ ಸ್ಫುರಿಸಿ ನೀಡಿದಂತೆ

ಸೂರ್ಯನ ಕಿರಣವು ಕಾವೇರಿಸಲಿಲ್ಲ

ನಿನ್ನ ಬಿಗಿದಪ್ಪುಗೆಯು ಕಾವೇರಿಸಿದಂತೆ

ಹಾಗೆಯೇ ಬೆಂಕಿ ಕೂಡ ಸುಟ್ಟಿರಲಿಲ್ಲ

ಈ ನಿನ್ನ ಮೌನ ನನ್ನ ಸುಡುತ್ತಿರುವಂತೆ