ಸುಂದರ ನೆನಪು

ಕುಡಿನೋಟ ಆ ಕಿರುನಗೆಯ ಕಾಂತಿ,

ಕರಗಿತು ಮನವಂದು ಬಯಸಿ ನಿನ್ನ ಪ್ರೀತಿ,

ತವಕ ಅಂತರಾಳದೊಳು ತಿಳಿಯದಾದ ವೇದನೆಯಲಿ,

ಸನಿಹವಿದ್ದ ಸಮಯಗಳು ಸರಸ ನಗೆ ಚೆಲ್ಲಾಟದಲಿ,

ಸುಂದರ ದಿನಗಳ ನೆನೆದು ಮೆಲುಕುತಿಹೆನು,

ಪರಿಪರಿಯಾದ ಸಿಹಿನೋವಿನೊಡನೆ ಇಂದು ಆ ಭಾರವಾದ ಹೃದಯದಲಿ.

ದೂರ

ಬಗೆಬಗೆಯ ಕನಸು ಮೂಡಿಹ,

ಏಳು ಬಣ್ಣಗಳ ಬದುಕಿನಲಿ,

ಬರಿದಾದ ಮನಸು ಏತಕೆ?

ನೀನಿರಲು ನನ್ನ ಹೃದಯದೊಳು,

ಈ ವಿರಹವೇತಕೆ?

ಮಾತು ಮೌನವಾಗಿಹ,

ಸುಂದರ ಸಮಯದೊಳು ಈ ದೂರವೇತಕೆ?

ಬಯಕೆ

ಕನವರಿಕೆಯ ಮಾತು ನಿನ್ನ ಮನದ ಮೂಲದಿ ತೆರೆಯಲಿ,

ಹಗಲುಗನಸಲಿನ್ನು ಎನ್ನ ನೆರಳು ನಿನಗೆ ತೋರಲಿ,

ಸಿಹಿನಗುವು ಮೂಡಲಿ ಇನ್ನು ನೀ..

ನನ್ನ ಸನಿಹ ಬಯಸಲಿ.