ಯುಗಾದಿ

ಪ್ರತಿ ಅಂತ್ಯಕ್ಕೊಂದು ನಾಂದಿ ಇರುವಂತೆ
ಶರತ್ಕಾಲದ ನಂತರದ ವಸಂತ ಮಾಸದಂತೆ
ಇರುಳಿನ ಹಿಂದೆಯೇ ಬರುವ ಹಗಲಿನಂತೆ

ಹಳೇ ಬೇರಿನಿಂದ ಹೊಸ ಚಿಗುರು ಬರುವಂತೆ
ಹಿರಿಯರ ಆಶೀರ್ವಾದ ನವ ಪೀಳಿಗೆಯ ಏಳ್ಗೆಯಂತೆ
ಎಲ್ಲಾ ಪುರಾತನ ಸೃಷ್ಟಿ ನವೀನವಾಗುವಂತೆ

ಹೊಸ ಹುಮ್ಮಸ್ಸು ಜಡವನ್ನು ಕಿತ್ತೊಗೆಯಲಿ
ಕಾದಿದ್ದ ಎಲ್ಲಾ ಕನಸುಗಳು ನನಸಾಗಲಿ
ಹರುಷದ ಅಲೆಯು ಎಲ್ಲೆಲ್ಲೂ ಹರಡಲಿ

ಯುಗಾದಿಯು, ಬೇವಿನ ಕಹಿ ಕಡಿಮೆ ತರಲಿ
ಬೆಲ್ಲದ ಸಿಹಿ ಬಾಳಲ್ಲಿ ಹೊಳೆಯಾಗಿ ಹರಿಯಲಿ
ಬೇವು-ಬೆಲ್ಲ ಜೀವನದ ಸಾರವಾಗಲಿ