ಕಾಲದ ಅನಂತತೆಯ ಅಳೆದವವರ್‍ಯಾರು
ಕಾಲದ ದಾರಿಯ ಮೈಲುಗಲ್ಲುಗಳು ನಾವುಗಳು
ಹಿಂದೆ ಬಂದವರಿಗೆ ನಾವು ದಾರಿ
ಮುಂದೆ ಬರುವವರಿಗೆ ಅವರು ದಾರಿ
ಹಿಂದೆನವರು ಮುಂದಿನವರಿಗೆ ಹಿಂದೆ
ಮುಂದಿನವರು ಹಿಂದಿನವರಿಗೆ ಮುಂದೆ
ಹಿಂದೆಯೋ ಮುಂದೆಯೋ
ಒಟ್ಟಿನಲ್ಲಿ ಮುಂದಿನ ದಾರಿ ಶ್ರಮಿಸುವವರು ಮಾತ್ರ
ಹಿಂದಿನವರು ಮುಂದಿನವರು
ಸಾಗುವ ದಾರಿಯಲ್ಲಿ ಪಯಣಿಗರು ಹಲವರು
ಅದರಲ್ಲಿ ಒಂದು ನೀನು
ಮತ್ತೊಂದು ನಾನು
ನಾನು ಎಂದರೆ ನಾನಲ್ಲ
ನೀನು ಎಂದರೆ ನಿನಲ್ಲ
ನಾನು ಮತ್ತು ನೀನು ಹೀಗೆ ಎಲ್ಲರೂ
ನಾನು ನೀನು ಆನು ತಾನು...
ನಾನು ಎನ್ನುವ ಭ್ರಮೆ
ನೀನು ಎನ್ನುವ ಮಾಯೆ
ಎರಡೂ ಸತ್ಯವಾಗಿರುವ ಮಿತ್ಯಗಳು
ಕಾಲದ ಅನಂತತೆಯ ಸಂಕೇತಗಳು
ಕಾಲದ ದಾರಿಯಲ್ಲಿ ನೀನು ಮತ್ತೊಂದು ಮೈಲಿಗಲ್ಲು
ಅದು ಹಸಿರಾಗಿರಲಿ ಹೊಚ್ಚ ಹೊಸದಾಗಿರಲಿ
ನಿರಂತರವಾಗಿರಲಿ
.png)
.png)