ಭಾನುವಾರ, ಆಗಸ್ಟ್ 5, 2007

ಕನಸುಗಳು!

ನೀವೇ ಹೇಳಿ, ಕನಸನ್ನು ಯಾರು ಕಾಣುವುದಿಲ್ಲಾ ಅಂತ?

ಈ ಭೂಮಿ ಮೇಲೆ ಹುಟ್ಟಿದ ಪ್ರತಿಯೊಬ್ಬ ಮನಷ್ಯನಿಗೂ ಜೀವನದಲ್ಲಿ ಏನಾದರೊಂದು ಸಾಧನೆ ಮಾಡಬೇಕು ಎನ್ನುವ ಆಸೆ ಇದ್ದೇ ಇರುತ್ತದೆ. ಈ ನಿಟ್ಟಿನಲ್ಲಿ ಕನಸನ್ನು ಸಹ ಕಂಡಿರುತ್ತಾನೆ. ನಮ್ಮ ಪೂರ್ವ ರಾಷ್ಟ್ರಪತಿಗಳಾದ ಡಾ. ಎ. ಪಿ. ಜೆ. ಅಬ್ದುಲ್ ಕಲಾಂ ಹೇಳುವಂತೆ, "ನಾವು ಜೀವನದಲ್ಲಿ ಏನ್ನನ್ನಾದರೂ ಸಾಧಿಸಬೇಕಾದರೆ, ಮೊದಲು ಅದರ ಬಗ್ಗೆ ಕನಸು ಕಾಣುವುದು ಮುಖ್ಯ!" ಅದರೆ ನಮ್ಮಲಿರುವ ದುರಂತ ಎಂಥದು ನೀವೇ ನೋಡಿ, ನಾವು ಕನಸನ್ನೇನೋ ಶ್ರದ್ಧೆಯಿಂದ ಕಾಣುತ್ತೇವೆ, ಆದರೆ ಅದನ್ನು ಸಾಕಾರಗೊಳಿಸುವ ಇಚ್ಛಾ ಶಕ್ತಿ ನಮ್ಮಲ್ಲಿ ಎಷ್ಟು ಜನರಲ್ಲಿರುತ್ತದೆ? ಡಾ. ಕಲಾಂರವರೇ ಹೇಳುವಂತೆ, "ನೀವು ಕಾಣುವ ಕನಸನ್ನು ನಿಜವಾಗಿಸಬೇಕಾದರೆ, ಬೇರೆಯವರು ಕನಸು ಕಾಣುವ ಸಮಯದಲ್ಲಿ ನೀವು ಎಚ್ಚರವಾಗಿರುವುದು ಬಹಳ ಮುಖ್ಯ!" ಅಂದರೆ ನಾವು ಕಾಣುವ ಕನಸನ್ನು ಸಾಕರಗೊಳಿಸಲು ನಾವು ಹಗಲು ರಾತ್ರಿ ಎನ್ನದೆ ಸತತ ಪರಿಶ್ರಮ ಪಡಬೇಕು ಎಂದಾಯಿತು.

ಕೆಲ ದಿನಗಳ ಹಿಂದೆ ನಾನು ನೋಡಿದಂತಹ ಚಿತ್ರವೊಂದರ ಒಂದು ಸನ್ನಿವೇಶದಲ್ಲಿ, ಒಬ್ಬ ತಂದೆ ತನ್ನ ಮಗನಿಗೆ ಕನಸಿನ ಕುರಿತು ಹೇಳುವ ಮಾತುಗಳನ್ನು ನಿಮ್ಮೊಂದಿಗೆ ಹಂಚಿಕೊಳ್ಳಲು ಬಯಸುತ್ತೇನೆ. ಆ ಮಾತುಗಳು ಹೀಗಿದ್ದವು, "ಜೀವನದಲ್ಲಿ ನಿ
ಗೇನಾದರು ಬೇಕೆನಿಸಿದರೆ, ಅದನ್ನು ಹೋಗಿ ಪಡೆದುಕೊ. ಜನರ ಮಾತಿಗೆ ಕಿವಿಗೊಡಬೇಡ. ಜನರಿಗೆ ತಮ್ಮ ಕೈಯಲ್ಲಿ ಏನ್ನನ್ನಾದರು ಸಾಧಿಸಲಾಗದು ಎಂದೆನಿಸಿದರೆ, ನೀವೂ ಸಹ ಅದನ್ನು ಸಾಧಿಸಲಾರಿರಿ ಎನ್ನುತ್ತಾರೆ. ನಿಮ್ಮ ಬಳಿ ಕನಸಿದ್ದರೆ, ಅದನ್ನು ಜಾಗ್ರತೆಯಿಂದ ಕಾಪಾಡಿ.. ಅದು ಸಾಕಾರಗೊಳ್ಳುವತನಕ..." ನಿಮ್ಮ ಮನದಲ್ಲಿ ಚಿಗುರುವಂತಹ ಕನಸುಗಳಿಗೆ, ಈ ಜಗತ್ತನ್ನು ನೊಡುವ ಅವಕಾಶ ಮಾಡಿಕೊಡಿ... ಪ್ಲೀಸ್!!! ಅದನ್ನು ದಯವಿಟ್ಟು ಭ್ರೂಣದಲ್ಲಿಯೇ ಹತ್ಯೆಗಯ್ಯಬೇಡಿ.

ನಾವು ಜೀವನದಲ್ಲಿ ಸ್ಫೂರ್ತಿಗಾಗಿ ಎಲ್ಲೆಲ್ಲೋ ಹುಡುಕಾಟ ನಡೆಸುತ್ತೇವೆ. ಆದರೆ ಒಂದು ಕ್ಷಣ ಈ ಹುಡುಕಾಟ ನಿಲ್ಲಿಸಿ, ನಿಮ್ಮ ಮನದಲ್ಲೇ ಹುದುಗಿ ಹೋಗಿರುವಂತಹ ಅಸಂಖ್ಯಾತ ಕನಸುಗಳಿಗೆ ಒಮ್ಮೆ ನಿಮ್ಮ ಕಿವಿಕೊಟ್ಟು ನೋಡಿ. ನಿಮಗೆ ನಿಮ್ಮ ಹುಡುಕಾಟ ಎಷ್ಟು ನಿರರ್ಥಕ ಎನಿಸುತ್ತದೆ. ಹಾಗಾದರೆ ಕನಸುಗಳಿಗೂ ಮಾತನಾಡಲು ಬರುತ್ಯೆ? ಹೌದ್ ಕಣ್ರೀ! ಆ ಪಿಸು ಮಾತುಗಳನ್ನು ಕೇಳುವಂತಹ ವ್ಯವಧಾನ ನಮ್ಮಲ್ಲಿ ಇರಬೇಕು ಅಷ್ಟೇ!!! ನೀವು ಯಾವುದೇ ಒಬ್ಬ ಯಶಸ್ವಿ ವ್ಯಕ್ತಿಯನ್ನು, ಅವರ ಯಶಸ್ಸಿನ ಗುಟ್ಟು ಏನು ಎಂದು ಕೇಳಿನೋಡಿ. ಅವರು ಖಂಡಿತವಾಗಿಯೂ ತಮ್ಮ ಯಶಸ್ಸಿನ ಬೇರು, ತಾವು ಕಂಡಂತಹ ಆ ಒಂದು ಪುಟ್ಟ ಕನಸು, ಎಂಬುದನ್ನು ಹೆಮ್ಮೆಯಿಂದ ಸ್ಮರಿಸುತ್ತಾರೆ. ಹಾಗಾದರೆ ಕನಸುಗಳ ಶಕ್ತಿ ಎಂಥಹದು ಎಂಬುದನ್ನು ನೀವೇ ಲೆಕ್ಕಹಾಕಿ.

ಕನಸುಕಾಣುವುದಕ್ಕೆ ಕಾಸು ಕೊಡಬೇಕೇ? ಇಲ್ಲ. ಆದರೆ ಅದನ್ನು ಸಾಕಾರಗೊಳಿಸಲು ಮಾತ್ರ ಒಳ್ಳೆಯ ಬೆಲೆಯನ್ನೇ ತೆರಬೇಕು! ದಯವಿಟ್ಟು ನೀವು ಕಾಣುವ ಕನಸನ್ನು ಕೇವಲ ಒಬ್ಬ ತಿರುಕನ ಕನಸಾಗಲು ಬಿಡಬೇಡಿ... It certainly deservers more respect!!!

ನೀವು ಸಹ ಏನಾದರು ಕನಸು ಕಂಡಿದ್ದಿರಾ? ಹಾಗದರೆ ನೀವು ಯಾರಿಗೋಸ್ಕರ ಕಾಯುತ್ತಿರುವಿರಿ? ಹೋಗಿ... ನೀವು ಕಂಡಂತಹ ಕನಸನ್ನು ಸಾಕಾರಗೊಳಿಸಿಕೊಳ್ಳಿ! ಗುಡ್ ಲಕ್!!!

2 ಕಾಮೆಂಟ್‌ಗಳು:

M G Harish ಹೇಳಿದರು...

ಕನಸುಗಳ ಬಗ್ಗೆ Pursuit of Happyness ಚಿತ್ರದ quotation ಚೆನ್ನಾಗಿದೆ :)

ಕನಸಿನಲ್ಲಿ ಬರುವ ಎಲ್ಲಾ ವಿಚಾರಗಳೂ ಸರಿಯಾಗಿರಬೇಕೆಂದೇನೂ ಇಲ್ಲ. ಆದರೆ ನಾವೇ ಕಟ್ಟಿಕೊಳ್ಳುವ ಕನಸುಗಳು ನಮ್ಮ ಭವಿಷ್ಯವನ್ನು ರೂಪಿಸುವಂತಿರಬೇಕು.. ಆ ನಿಟ್ಟಿನಲ್ಲಿ ನಮ್ಮ ಯಥಾಶಕ್ತಿ ಪ್ರಯತ್ನ ಅಗತ್ಯ

Suresh S ಹೇಳಿದರು...

ಧನ್ಯವಾದಗಳು!!